لو حسيت بحبة إحباط بعد فض الاعتصام امس عاين في الصور دي وحاتحس بالنصر اكيد ... شوف السيول البشرية في كبري المك وكبري السلاح الطبي اقتحموا الكباري وكسرو قرار الانقلابيين عنوة ح تحس بالنصر ... اتذكر انو اشاوس شرق النيل شغالين معركة 6 ساعات عشان حاجتين ي يدخلو الخرطوم ي يمسكو اكبر عدد من القوات عشان يخففوا عننا وفي اللحظة دي ح تحس بالنصر ... اتذكر اننا (دخلنا القصر دخلنا القصر وقوة هتافنا هز الفيل) ياخ القصر دا نحن كنا بنساسق 4 شهور في دبسمبر 18 م وصلنا قريب منو ذاتو ... ساعتها ح نحس بالنصر ... اتذكر اننا كسرنا صندوقهم الامني بعد تلاتة ساعات فقط من الاشتباك وساعتها ح تحس بالنصر وبالفخر وح تتأكد انو فعلا الشعب اقوى مما يتخيلون