يا شبل يا فردة
يا اصلي يا دسيس
سامعني قول آي !؟
كبرتها وفتا ؟؟؟
ما قلتا صابيها
جمب الترس بهناك
والرصة عازيها
سامعني يا بيبو ؟؟؟
سامعني قول اي
الوالدة هسع كيف
نقدر نعزيها ؟
بتسال عليك يا مان
اللفة والشارع
اللستك ،الميدان .
تتزكر الكتمات ؟؟
رجعتا كم بمبان ؟؟؟
سامعني يا بيبو ؟؟
سامعني قول اي !؟
يا اخوي انت شهيد
كارب عديل صنديد
راكز حديد قدام
لو ما القدر بختار ..
كان متنا نحن فداك !
سامحنا بس معليش
نكروها ناس الدعم ..
ونكروها ناس الجيش
انت الهمام للطيش
حقكك نجيبوا قصاص
من شلة الانجاس ..
زملاكـ قد عرفوك
ما قالو يوم سمعوك
حنكتّ يوم البيش
ارقد هناك بسلام
والزيك انت بعيش !!