سوداني الجميل ،،،، والله ليك القومه

بجنيه الحلال ، نصحى ونخلي النومه

ادعم للبلد ،،،،، سيب لي سماع ألبومه

الحب للوطن ،،،،، ما طبطبة حيكومه

سوداني الحبيب ،، ليك السمع والطاعة

بي دعم الجنيه ،، بتخضر احلى زراعه

الجيل الركب راس ،، بي بسالة شجاعة

قادر بكره يبنيك ،،، وتمشي زي الساعة

باكر بالجنيه ،،،،،،،، نقدر نصدر منقه

ولي كل البلاد ،،،، تتوفر أجمل طقه

الشعب النهض ، بالثورة شعلل وبقه

ببنيهو الوطن ،،،، بالوعي مااا بالنقه

ونشوف الوطن يا صحبي احلى عريس

ومن ضمن الأمم ،، من تاني نبدأ نقيس

السودان ده يصبح ، يا الحبيب دسيس

ونصدر قرض ،،،،، براااااحه لي باريس

قبيل يا بلدي ،،،، نهبوك بالمساء وصباحي

وشالو عرق جبينك ،، انت نايم وصاحي

الكوز البعترض ،،،، دعم الجنيه ويحاحي

زمان لا خلي (دمغه) ، ولا جلد لأضاحي

شاعر المقاومة العطبراوية..  أبوبكر عبدالله (بيكو)